ආදරණීය දුවේ පුතේ, 2025 සුබ අලුත් අවුරුද්දේ ඔයාගේ වැඩ ටික ආරම්භ කළා නේද?
ආදරණීය දුවේ පුතේ, අවුරුද්ද උදාවන දවසේ අපි හැමෝම සතුටින් වෙලාවට වැඩ කරනවා නේද? පුංචි දුවලා, පුතාලා විතරක් නොමෙයි වැඩිහිටි අයත් ජනවාරි පළමුවැනිදා ගොඩක් උද්‍යෝගයකින් වැඩ කරනවා.
පුංචි ඔයාලා ජනවාරි 02 වැනිදාත් ජනවාරි 01 වැනිදා කියලා හිතන්න. ජනවාරි 10 වැනිදාත්
පළමු වැනිදා කියලා හිතන්න. එවිට හැම දවසක්ම අලුත් අවුරදු දිනයක් වගේ ඔබට දැනේවි. එහෙනම් තාම අවුරුදු ඉවර නැහැ. අපි හොඳින් වැඩ කරමු.
ඉංගී‍්‍රසිවලට ආදරයෙන් අද විශේෂාංගය ඉගෙන ගනිමු.
Lets write a poem කවියක් ලියමු
ආදරණීය දුවේ පුතේ, මිහිර ඔබේ ඉංග්‍රීසි ගුරුවරයා වෙතින් අපි ඔබට තිළිණ කරන කවි මිහිර ඔබේ ගුරුවරයා” විසින් නිර්මාණය කරන කවි බව පුංචි ඔයාලාට සතුටින් දැනුම් දෙනවා. ප්‍රසිද්ධ කවියන් විසින් නිර්මාණය කරන කවි නොවන බව හොඳින් මතක තබා ගන්න.
ජීවිතයේ අත්දැකීම්, අපි එදිනෙදා සිතන දෑ පිළිබඳ නිර්මාණාත්මක සිතුවිලි ගැළපීම් කරමින් මෙම කවිය නිර්මාණයකර තිබෙනවා. පුංචි ඔබත් මෙවැනි නිර්මාණයකර “මිහිරට” එවන්න. ඔබේ නිර්මාණයට අපේ පුවත්පතේ ඉඩක් ලැබෙනවා.
එහෙනම් අපේ “කවිය” හොඳින් කියවන්න.
See you moon
I watched you noon.
It was a cartoon
I thouht you are a balloon
Mom said ” you are moon”
I went out to see you soon
I was not in my room
You did not come noon
Why did not come moon?
I got a spoon
To give food you soon
We are in June
Today is the full moon
Love to see you soon
Come to see me room
Happy to see you noon
Want to see you moon
ආදරණීය දුවේ පුතේ, “සඳ” ගැන ඔබ අසා තිබෙනවා නේද? ඔබ රෑට මිදුලට ගිහින් සඳ බලනවා නේද? ඔන්න ඒ ලස්සන සඳ ගැන තමයි අද මෙම කවිය ලියැවුණේ.
I watched you noon
It was a cartoon
I thught you are a balloon.
Mom said “|you are moon”
පළමු කවි පද පේළිවලින් කියවෙන්නේ “මම හවස කාටුන් බැලුවා. එවිට මම රවුම් බැලුනයක් වගේ දෙයක් දැක්කා.
අම්මාගෙන් ඇහුවා “ඒ මොකක්ද කියලා” අම්මා කිව්වා ඒ “සඳ” කියලා.
පහත වචන අධ්‍යයනය කරන්න.
1) watched – බැලුවා / නැරැඹුවා
2) cartoon – කාටුන්
3) thought – හිතුවා
4) said – කීවා
ආදරණීය දුවේ පුතේ, ඔබ වාගේම පුංචි යහළුවෙක් “සඳ” දැකපු ආකාරය ගැන තමා මෙම කවියෙන් අදහස් වෙන්නේ. දැන් මෙම පුංචි යහළුවාට අවශ්‍යයි ඇත්තටම සඳ දැක ගන්න. මෙයා සවස රූපවාහිනියෙන් කාටුන් බලන විට තමයි මේ සඳ දැක්කේ. අපි බලමු මෙයාට සඳ දකින්න පුළුවන් ද කියලා.
I went out to see you soon.
I was not in my room.
You did not come noon.
Why did not come moon?
“afternoon” කියන්නේ සවස කියලා පුංචි ඔයාලා දන්නවා. ඔන්න මේ පුංචි යහළුවා සඳ බලන්න හවස එයාගේ කාමරයේ ඉන්නේ නැතිව එළියට ගිහින් අහස දෙස බලන් ඉන්නවා. එහෙත් සවස 4 සිට 6 වගේ වෙනකල් සඳ සාමාන්‍යයෙන් දැක ගන්න බැහැනේ. මේ පුංචි යහළුවාගේ පළමු වැනි උත්සාහය අසාර්ථක වෙනවා.
අපි ඊළඟට මේ පුංචි යහළුවා සඳ බලන්න මොන වාගේ දේවල් කරනවාද යන්න අපි ඊළඟ කවි පද පේළිවලින් එය පැහැදිලිකර ගනිමු.
I got a spoon
to give food you soon.
එහෙනම් මේ පුංචි යහළුවා හැන්ද ගෙන එයාගේ හවස කෑම ටික සඳට දෙන්න හිතාගෙන ඉන්නවා. අපි බලමු සඳ ඒවිද කියලා
We are in June.
Today is the full moon.
“June” කියන්නේ පොසොන් මාසයයි. ආදරණීය දුවේ පුතේ, සඳ දීප්තිමත්ව පායන දවසක් තමයි “පසළොස්වක පෝය දවස”. මේ යහළුවා දැන් අවුරුද්දේ මැදක් වෙනකල් ඇවිත් නේද? ජනවාරි මාසයේදීත් මෙයා සඳ බලන්න රෑට එළියට එන්න ඇති. පෙබරවාරි, මාර්තු, අපේ‍්‍රල් සහ මැයි මේ මාසවල දිගටම මෙයා සඳ බලන්න එන්න ඇති.
ඒත් මේ පුංචි යහළුවා සඳ “බැලීමේ අධිෂ්ඨානය” නවත්වන කෙනෙක් නෙවෙයි. ජූනි මාසයේ පුර පසළොස්වක දිනයේ මෙයාට සඳ දීප්තිමත්ව දැකගන්න පුළුවන් වුණා.
ජනවාරි මාසයේදීම ඒ කැමැත්ත නොමැති වුණා නම් මේ පුංචි යහළුවා උත්සාහ කරන්නේ නෑ නේද? එහෙනම් ඔබේ ගමනට හොඳ උත්සාහය වැදගත් කැපවීම වැදගත්. ඒ හීනය වෙනුවෙන් වැඩ කිරීම වැදගත් වෙනවා. පෙබරවාරි අසාර්ථක වෙන්න පුළුවන්. උත්සාහ කරන්න. මාර්තු මාසයේදී අසාර්ථක වෙන්න පුළුවන්. අපේ‍්‍රල් අසාර්ථක වෙන්න පුළුවන්. හොඳින් උත්සාහ කරන්නාට උත්සාහයෙන්, අධිෂ්ඨානයෙන් ජයග්‍රහණය කරා යන්න පුළුවන්.
අපි ඊළඟ කවි පද පේළි අධ්‍යයනය කරමු.
Love to see you soon
Come to see me room
Happy to see you noon
Want to see you moon.
ආදරණීය දුවේ පුතේ, පුංචි ඔයාලා වගේ මේ යහළුවත් සඳ දකින්න ආසයි.
Love, like යන වචනවල අදහස වන්නේ කැමැතියි යන්නයි.
“Come to see me room” ඔන්න මේ යහළුවා සඳට ආරාධනා කරනවා මාව බලන්න එන්න මගේ කාමරයට. සාමාන්‍යයෙන් ඔයාගේ ලස්සන කාමරයට හැමෝටම එන්න අවසර ලැබෙන්නේ නෑ නේද? එහෙනම් “සඳට” ඒ ආරාධනාව ලැබෙන්නේ සඳ සුන්දර කෙනෙක් නිසා වෙන්න ඇති නේද?
“ happy to see you moon”
සතුටුයි දකින්න හවසට. මොකද පුංචි දරුවන්ට රාත්‍රියට නින්ද යනවා. හවස් වෙලාව පාසල් ගිහින් ඇවිත් පුංචි දරුවෝ හරිම නිදහසේ ඉන්නේ, සඳට ආරාධනා කරනවා! රාත්‍රිය එන්න කලින් එන ලෙස එය ඉතා ආදරණීය ඉල්ලීමක්, ආරාධනාවක්.
“Want to see you moon”
මට ඔයාව දකින්න ඕනෑ ලෙස හිතට මහත් කැමැත්තක් තිබෙනවා. එවිට හිතේ ඇති වන ඉල්ලීමක් පුංචි දරුවන් “සඳ” දකින්නේ හරිම ආදරණීය කෙනෙක් ලෙසයි.
සමහර පුංචි බබාලා “සඳ මාමා” යනුවෙන් පවා අර්ථ ගන්වනවා. කොයිතරම් දුර හිටියත් සඳ කියන්නේ පුංචි දරුවන්ට සමීප කෙනෙක්. සඳේ හාවෙක් ඉන්නවා කියලා පවා පුංචි දරුවෝ විශ්වාස කරනවා. සඳට පුංචි දරුවෝ ගොඩාක් ආදරෙයි.
ආදරණීය දුවේ පුතේ, සඳ ඔබේ යහළුවෙක් ලෙස දකින්න. එයාට ලස්සන කවියක් තිළිණ කරන්න.
ඔබේ හිතේ ඇති ආදරය කවියට නඟන්න. එවිට ඔබට ලස්සන නිර්මාණයක් කරන්න පුළුවන්.
ලබන සතියේදී අපි ලස්සන විශේෂාංග කිහිපයකින් හමුවෙමු
ජාත්‍යන්තර භාෂා පුහුණු පාසලේ විදුහල්පති
සම්පත් නවරත්න
