මොනරාගල රාජකීය ජාතික පාසල රිටි පැනීමෙන් නව තරග වාර්තා දෙකක් පිහිටුවයි

ඌව පළාත් ක්‍රීඩා අමාත්‍යංශය සංවිධානය කළ 2024 ඌව පළාත් පාසල් ක්‍රීඩා තරගාවලිය පසුගියදා බදුල්ල වින්සන්ට් ඩයස් ක්‍රීඩාංගණයේදී පැවැත්විණි.
එහිදී ඌව පළාත් නව වාර්තා දෙකක් පිහිටුවමින් 20 පහළ බාලිකා රිටි පැනීමේ ඉසව්ව නියෝජනය කළ ඩී.එම්. කවීෂා දෙව්මිණී මීටර් 2.40 නව තරග වාර්තාවක් සහ 18 පහළ බාලක කේ.එම්. කසිඳු කවිසර මීටර් 2.91 නව තරග වාර්තාවක් පිහිටුවන ලදි.
විදුහල්පති චමින්ද දේශප්‍රිය අත්තනායක මහතාගේ මඟපෙන්වීම මත ක්‍රීඩකයෝ මෙම තරගයට සහභාගි වූහ.