Nikko වනෝද්යානය යනු ජපානයේ ප්රධාන දූපතක් වන හොන්ෂෝ දූපතේ Kanto කලාපයේ පිහිටි ජාතික වනෝද්යානයකි. Tochigi,Gunma සහ Fukushima යන ප්රාන්ත තුන ඔස්සේ මෙම වනෝද්යානය පැතිරී යයි. ජාතික වනෝද්යාන නීතිය වර්ෂ 1931 දී සම්මත කරන ලද අතර, Nikko ජාතික වනෝද්යානය වර්ෂ1934 දී පිහිටුවන ලදි. Oze ජාතික වනෝද්යානය වරක් Nikko ජාතික වනෝද්යානයේ කොටසක් වූ අතර, 2007 දී එය වෙනම ජාතික වනෝද්යානයක් බවට පත් විය. ඉතින් දුවේ පුතේ මේ සූදානම අලංකාර Nikko ජාතික වනෝද්යානය පිළිබඳ තොරතුරු රැගෙන එන්නයි.
නික්කෝ ජාතික වනෝද්යානයේ දකුණු දොරටුව යුනෙස්කෝ ලෝක උරුම අඩවියක් ලෙස සාමූහිකව නම් කරන ලද සිද්ධස්ථාන සහ පන්සල් සමූහයක ස්ථානයකි. මෙයට Nikko Nikko Futarasan-jinja සිද්ධස්ථානය, Nikozan Rinnoji Temple සහ Nikko Toshogu සිද්ධස්ථානය ඇතුළත් වේ. දේවාලයට ඇතුළු වන ස්ථානයේ පූජනීය ෂින්කියෝ පාලම පිහිටා ඇත.
මෙම වනෝද්යානය ගංගා, විල්, දිය ඇලි, කඳු, වනාන්තර සහ සානුවලින් සමන්විත වේ. පූජනීය ස්ථාන, පන්සල් සහ පාලම් වනෝද්යානය පුරා විසිරී ඇති අතර, එමඟින් බොහෝ දේශීය හා විදේශීය අමුත්තන් උද්යානයට ඇද ගන්නා සංස්කෘතික හා ස්වාභාවික භූ දර්ශන එකතු කරයි.
චුසෙනි විල ප්රදේශයේ වර්ග සැතපුම් 4.49ක් ආවරණය වන අතර, මනරම් විල් භූ දර්ශන දැකගත හැකි ය.Kegon ඇල්ල අඩි 318ක උසකට ළඟා වන අතර, ජපානයේ උසම දිය ඇලි තුනෙන් එකකි. අඩි 8,156ක් පමණ කඳු මුදුනක් සහිත නන්තායි කන්ද සහ අඩි 8,458ක් පමණ කඳු මුදුනක් සහිත නික්කෝ-ෂිරාන් කන්ද කඳු මුදුන දක්වා කඳු නැඟීමේ මංපෙත් ලබා දෙන සුන්දර කඳු මෙම වනෝද්යානය අලංකාර කරයි.
Nikko ජාතික වනෝද්යානයේ ශාක හා ගස් විශේෂ තිබේ. Maples, firs, white-sunkගෝවා සහ ජපන් දේවදාර වැනි ශාක ජනප්රය ශාක වේ. මෙම ශාක විශ්මයජනක පතනශීලි ශාක පත්ර නිර්මාණය කරයි. Nikko සහ Kinugawa ප්රදේශවල මීටර් 1,600ට වඩා ඉහළින්, ඔබට කේතුධර වනාන්තර සහ Erman’s birches හමුවනු ඇත. මීටර් 2,400 ට ඉහළින් ඇති කඳු වැටි සහ කඳු මුදුන් පඳුරු ඇල්පයින් වෘක්ෂලතාවලින් සමන්විත වේ. වසන්ත හා ගිම්හානයේදී අසේලියා, ලිලී සහ අනෙකුත් කැලෑ මල් වර්ග පරිසරය අලංකාර කරයි. සරත් සෘතුවේ දී දීප්තිමත් තද රතු පාට සහ රන්වන් ශාක පත්ර ගෙන එයි. ශීත ඍතුවේ දී පිරිසුදු කුඩු හිම ලබා දෙයි. Nikko ජාතික වනෝද්යානයේ Mizu basho,ozegahara වගුරු බිම්වල සුදු ගෝවා,මේපල් ,Fir සහ ජපන් කිහිරි ද නික්කෝ අවට මාර්ගවල විස්මිත සුගි ගස් සහ ශාක විශේෂ බොහෝ ද දැකගත හැකි ය. ජපන් සෙරෝ, ජපන් මුවන් සහ ආසියාතික කළු වලසා වැනි විශාල ක්ෂීරපායින් මෙන්ම විවිධ මත්ස්යයන් සහ උභයජීවීන් ද ඇතුළු සත්ත්ව වර්ග රැසක් මෙම කලාපයේ වාසය කරති.
මෙහි පහත් බිම් ජපන් බීච් සහ ඕක් ශාක සහිත පතනශීලී වනාන්තරවලින් සහ කඳු බෑවුම් කේතුධර වනාන්තරවලින් වැසී ඇත.නසුදාකේ කන්ද මෙම ප්රදේශයේ හදවතයි. බෝඩ් වෝක් මාර්ගය ජපන් රෝඩොඩෙන්ඩ්රන් ශාකය සඳහා ප්රසිද්ධ ය. එය ගිම්හානයේ මුල් භාගයේදී ප්රදේශය තද රතු පාට මුහුදක් බවට පත් කරයි. මෙම මාර්ගය අසල කඳුකරයේ දර්ශන සහ දේශීය උණු දිය උල්පත් බොහොමයක් දැක ගත හැකි ය. රෝඩොඩෙන්ඩ්රන් සඳහා ප්රසිද්ධ තවත් ප්රදේශයක් වන හප්පොගහරා සානුව ද නැරැඹීමට හැකි ය. Kanto කලාපයේ උසම කඳු මුදුන වන Nikko-Shirane කන්ද යුනොකෝ විල ප්රදේශයේ ආධිපත්යය දරයි. කිනුගාවා ගඟ උද්යානය හරහා උතුරේ සිට දකුණට ගලා යයි. මෙම ගඟේ බෝට්ටු සහ ඔරු පැදීමට හැකි ය.
Nikko ජාතික වනෝද්යානයේ විනෝද වීම සඳහා විවිධ දෑ තිබේ. එනම් කඳු නැගීම,හිම මත ලිස්සා යෑම, කඳවුරු බැඳීම,ගොල්ෆ් ක්රීඩා කිරීම ආදියයි. මෙම වනෝද්යානය ජපානයේ ඇති සුන්දරතම ස්ථානයකි. බොහෝ සංචාරකයෝ මෙම Nikko වනෝද්යානය නැරැඹීමට පැමිණෙති. මෙම Nikko ජාතික වනෝද්යානය මුළු ජපානයම අලංකාර කරයි.
චතුරි ලක්ෂිකා
