Bora bora දූපත දකුණු පැසිෆික් සාගරයේ ලීවර්ඩ් දූපත්වල පිහිටි දූපත් සමූහයකි. මෙම දූපතේ සම්පූර්ණ භූමි ප්‍රමාණය වර්ග සැතපුම් 12ක් පමණ වේ.
Papeete සිට වයඹ දෙසින් කිලෝමීටර් 230ක් පමණ දුරින් පිහිටි ප්‍රධාන දූපත කළපුවකින් සහ බාධකවලින් වටවී ඇත. මෙහි කතා කරන ප්‍රධාන භාෂා වන්නේ ටහිටියානු සහ ප්‍රංශ භාෂා ය. ඉහළ සංචාරක ජනගහනය නිසා bora bora හි බොහෝ ස්වදේශිකයන් ඉංග්‍රීසි කතා කිරීමට ඉගෙන ගෙන ඇත. Bora Bora දූපත ප්‍රධාන සංචාරක ගමනාන්තයකි. මෙම මුහුදු වෙරළ
සුඛෝපභෝගි නිකේතන සඳහා ප්‍රසිද්ධ වේ. ඉතින් මේ සූදානම පුංචි දූලා පුතාලට සුන්දරත්වයෙන් යුතු Bora Bora දූපත ගැන තොරතුරු රැගෙන එන්නයි.
Bora Bora දූපතෙහි නිවර්තන මෝසම් දේශගුණයක් ඇත . උණුසුම් දින සහ උණුසුම් රාත්‍රීන් සමඟ වසර පුරා උෂ්ණත්වය සාපේක්ෂව ස්ථාවරව පවතී. මෙම දූපතේ වියළි කාලය ජූනි සිට ඔක්තෝබර් මාසය දක්වා පවතී. එහෙත් එම මාසවල යම් වර්ෂාපතනයක් ඇති වේ. වර්ෂා සමය නොවැම්බර් සහ අප්‍රේල් මාසවල පවතී. ආර්ද්‍රතා මට්ටම 75% සිට 90% දක්වා පරාසයක පවතී. වියළි කාලය වන්නේ අප්‍රේල් සහ ඔක්තෝබර් මාස ය. මෙම මාසවල තරමක් උණුසුම් සහ වියළි කාලයක් පවතී.
කඳු බෑවුම් සහිත කඳුකර ප්‍රදේශ පාමුල වගාබිම් ඇත. පොල්, තල්, දෙල්, මඤ්ඤොක්කා සහ නිවර්තන පලතුරු මෙන්ම සංචාරකයන්ට නැරැඹීම සඳහා ඕකිඩ් වගාවන් ද ඇත. පසුපස වෙරළ ප්‍රදේශ පහත් බිම් සහිත වෘක්ෂලතා අධික ලෙස ඇති ප්‍රදේශ වේ. එහි Cordia Subcordata සහ Hibiscus Tiliaceus යන ශාක දැකගත හැකි ය. ඍජු කඳන් සහ වටකුරු ඔටුන්නක් සහිත වගා කරන ලද ආකෘතියක් මෙහි දක්නට ලැබේ.
දිවයින වටා ඇති ජල තීරයේ මෝරු වර්ග වාසය කරති. මසුන් නිරීක්ෂණය කිරීමට සහ මෝරුන් පෝෂණය කිරීම නැරැඹීමට කිමිදුම් සපයන කිමිදුම් ක්‍රියාකරුවෝ සිටිති. මෙම පරිසරයේ හංගොල්ලන් විශේෂ සහ ගොලුබෙල්ලන් විශේෂ ජීවත් වෙති.
Bora Bora ගුවන්තොටුපොළ හරහා Bora Bora දූපතට ළඟා විය හැකි ය. මෙම දිවයිනේ කුලී කාර් සහ බයිසිකල් නිර්දේශිත ප්‍රවාහන පද්ධති ලෙස තිබේ. මෙහි පොදු බස් රථයක් රින්ග් පාර දිගේ පැයකින් පමණ දිවයින වටා ගමන් කරනු ලබයි. නැවතුම් අවශ්‍ය නොවේ. මගීන්ට අවශ්‍ය ඕනෑම තැනක බස් රථය නතර කරනු ලබයි. සංචාරකයන් වඩාත් කැමැති ප්‍රවාහන මාධ්‍ය වන්නේ බයිසිකලයයි. මොපෙඩ් හෝ යතුරුපැදිය සමහර හෝටල් විසින් සපයනු ලබන ෂටල් ( කෙටි මඟ එහා මෙහා යන රථය) සේවාවයි. කුඩා විදුලි මෝටර් රථ ඍචඪබචනඥ හි කුලියට ගත හැකි ය. සංචාරක ගුවන් ගමන් සඳහා භාවිත කරන පෞද්ගලික හෙලිකොප්ටරයක් දිවයිනේ ස්ථානගත කර ඇත.
19 වැනි සියවසේ ක්‍රිස්තියානි මිෂනාරිවරුන්ගේ ආගමනයෙන් පසු යුරෝපීයන්ගේ පැරැණි සාම්ප්‍රදායික විශ්වාසයන් වෙනුවට ක්‍රිස්තියානි ධර්මය ප්‍රමුඛ ආගම බවට පත් විය . ලන්ඩන් මිෂනාරි සංගමයේ බ්‍රිතාන්‍ය මිෂනාරි ජෝන් මුග්‍රිජ් ඔර්ස්මන්ඩ් විසින් වයිටාපේ ආරම්භ කරන ලදි . ඔහු වර්ෂ 1824දී ටහිටි සිට Bora Bora දූපතට පැමිණ කොරල් පාෂාණයෙන් තැනූ පල්ලියක්, මාර්ග , නිවාස සහ මිෂනාරි පාසලක් ඉදි කළේ ය. බියුලා නමින් හැඳීන්වෙන මෙම ජනාවාසය වත්මනදී වයිටාපේ බවට පත් වී තිබේ.
දිවයිනේ ආර්ථිකය සංචාරක ව්‍යාපාරය මඟින් මෙහෙයවනු ලබයි. මෙම Bora Bora දූපත නැරැඹීමට සංචාරකයෝ බොහෝ පැමිණෙති.
චතුරි ලක්ෂිකා
